卓卓的字牆

卓卓能力從來都好清晰, 一係識, 一係唔識, 時候未到, 無論你點教佢, 佢都係唔識, 突然有一日,時候到了,佢就會學得好快!!

近排, 我地發現佢的認字系統終於被接通了!
我地立即把字卡鋪被在牆上, 務求比佢多d時候認字

之前即使係一d好淺的字, 如"日", "田", "山" 咁簡單的字都唔識認
但係現在上面d字用左兩三日就已經認到80%

(字卡下面其實係圖畫, 佢唔記得個字可以自己翻個來睇)

 

你識唔識整"啦啦球"呀??

卓卓學校將會有運動日,學生要求小朋友要帶兩個藍色啦啦球回校.
聽說原來文具店有得賣, 可以唔洗自己整, 但係行晒成個新港城的文具店, 書店, 實惠+日本城都搵唔到....正當絕望時居然比我搵到!! 在大快活附近的暗角文具店內的售貨員問我要什麼顏色，當然係老師要求的藍色啦！！！

"唔好意思, 藍色剛剛賣晒...綠色得唔得?"

唉~~只好死氣買個繩球自己整啦!!

就係咁,那一晚就同太太一人一球...在深夜中, 坐在sofa上,梳呀梳~~~~~

其實啦啦球呢樣野係唔係人人都識整呢? 係唔係中小學的必修科??

臭名遠播的"小肥羊"??

今晚同左幾個同事出去打邊爐

目的地係旺角的小肥羊, 呢間野在已經出現左好耐, 今次才第一次去朝聖.

其實一上去已經成陣麻辣味, 我地叫左個鴛鴦窩, 其中一邊係麻辣火鍋, 經過5個小時的薰陶, 我成個人都已經同個窩一樣味!!

在旺角大街行走時, 總覺得身邊的行人都閃開左兩呎遠!!

臭名遠播的係自己!!!

返到屋企, 當然一條直路殺入toilet, 由頭沖到落腳+刷牙, 成個process都係double上, 即係洗左兩次頭, 沖左兩次涼.....務求澈底清潔, 以免臭親枕邊人ho!!