望吓山望吓海MACAU旅行2009 - 2.1

8月21日 晴晴

我地行番去威記, 行下商場, 個場好大好大, 又係會迷路的, 有地圖都冇用, 沿途見到威記的特產:人扮石像, 貢多船,  還見到船長都在高歌!!






行倦了就去老麥醫肚, 4個人食左$150
成本$40一個餐, 好過好搶!

食完tea之後就去成個trip的重頭節目 Q-CUBE
呢90分鐘內小朋友可以盡情地跑跑跳跳
場內有一個彩虹滑梯, 一個藍色滑梯, 同一個忘命垂直紅色滑梯

小榆玩了彩虹+藍色滑梯

 

但是卓卓在玩完彩虹滑梯後已經面青口唇白, 要退守返去BB區

我地玩到成6:00先走, 時間有限, 因為book左7:00pm的船

望吓山望吓海MACAU旅行2009 - 2.0

8月21日 晴晴晴

出外旅行清早時去晨運似乎已經係習慣, 可能係訓唔慣張床la, 不過早上行下影下相都幾好呀, d景冇人block住, 探定路唔洗陣間成家人跟住我行來行去

原來hard rock, 新濠天地就在威記正門對面, 過條馬耿路就係!

早上去左指定餐廳食自助餐, 好彩早落, 遲左就好多人排隊, 食完再一次行餐死去游水, 跟住退房寄存行李, 成個大堂都係人, 個個都係放行李!!

午餐去左路環食安德魯葡撻, 坐晌隔離的又係日本人, 葡撻個樣好靚好吸引, 忍唔住一放上檯就塞入個口度, 相都冇影, 叫左一杯檸檬飲品, 嘩...酸到盲公都開眼, 不過啱晒我, 好好味, 再要多一個闊條麵, 同d新鮮生菜好夾!!至於個冬蔭功..好味, 好啱夏天飲, 哈哈!
呢餐食左$120

又在路環行下, 又入左間天主教堂
點解有幅觀音送子圖ga???? 哈哈, 應該係聖母聖子圖, 哈哈哈!

食完野我地就番新濠天地睇龍騰show, 免費的, 而我地已經在去路環之前已經攞左票 , 在網上見到有位人兄拍得好好, 所以借條link來用下 (謝謝fusenkwok)

望吓山望吓海MACAU旅行2009 - 1.4

8月20日 晴

又到晚飯時間, 我地坐shuttle bus 去金沙, 再轉的士去六記食飯.

原本諗住坐26a巴士由酒店直接去六記, 不過, 我在探路時在酒店外面搵唔到個巴士站, 比我平時就一定會圍住間酒店行一個圈去搵, 不過威記太大la, impossible!!!

金沙外面有一群操唔正廣東話大耳隆在搵食
點知佢地係大耳隆??除左佢地個耳隆夠大之外, 還見到佢地行去d單身男子附近細細聲問..."要唔要幫手??", 同埋聽到佢地講...."都唔知咩世界, 有錢都冇人借!!!"

六記粥麵


錦"老"雲吞ok, 好耐有食過la, 唔知香港邊度還有得食呢?

蝦子面唔得

鳳爪普通

0魚球似係烚左先去炸...唔得
找數$120
都唔明點解網上的評語咁好???

跟住去左永利睇噴水池同吉祥樹


噴水池ok,細路睇得好開心,


至於棵吉祥樹..比我印象好差, 天花圖案好似好靚的12生肖圖, 睇清楚原來隻隻猛獸都張牙舞爪, 凶神惡煞, 面露青筋, 擺明又係一個風水局!!

返到酒店, 有個蛋糕放在檯上, 由於同左酒店講今日係卓卓的生日, 所以免費送上蛋糕一個, 雖然免費, 不過都幾好味wor

望吓山望吓海MACAU旅行2009 - 1.3

8月20日 晴晴

check-in時, 酒店front desk的接待員用普通話+唔咸唔淡的廣東話同我登記, 攪到我只可以用廣東話+唔咸唔淡的普通話回應佢...huh唔通我去左珠海???

之前同事已經報料話威記好大, 我已經好比心機聽住點上房間, 但係最後還是只見到賭場入口, 卻搵唔到上房的電梯, 好一個迷魂陣, 好彩冇諗過去賭~~

行來行去終於搵到, 開門入房

有個操流利普通話的中國籍服務生搬左sofa床的被鋪入來, 我開始相信我去左珠海!


跟住我地行左好耐去到泳池游水, 我地再一次驗證威係一間好大的酒店, 泳池有3個池, 還有一個成人池+按摩池

望吓山望吓海MACAU旅行2009 - 1.2

8月20日下午 (晴晴晴)

食飽飽

我地沿住大堂道向上行, 經過一間天主教堂, 阿囡主動話想入去睇下...
其實可以入嗎??起初我地只敢在門口企下, 後來越行越入, 好寧靜好莊嚴啊!

我地繼續沿路向上爬, d住宅區好似香港d舊區, 不過已經買少見少

再行上d就係我地的目的地...炮台山
從前的炮台山居高臨下, 現在卻被高廈重重包圍, 特別係何生那一座野

我地由澳門博物館內向下行, 落番大工巴, 影兩5幅到此一遊的相片後, 就去買手信買手信, 不過唔係咀香園, 而佢鉅記

原本諗住坐26a巴士番酒店, 不過見架車full晒, 又冇的士, 最後只好是但上一架去氹仔的巴士去到氹仔先轉的士, 巴士有人讓坐比我地, 多謝晒呀澳門人!!