學車14 - 26.02.2010

26.02.2010

第14堂 (21hrs)

又在旺角上車, 順順利利上去愛民村

不過在途中在圖書館附近轉右時扭得太早, 架車車左小小去人地條線

操掉頭時又有兩次有鬆手制就開車, cfu提議不如唔好拉手制轉波la (下...得唔得ga?)



可能經過上次成日走來走去, 今次似乎已經升左level, 擰頭已經有90%成功率, cut線都順左好多,希望繼續落去就ok



臨尾d泊車合位比其他車霸左, 只有一個位, 所以排長龍, 等到不耐煩

雖然時間快要落堂, 驚阻住cfu, 想唔排隊走人, 不過反而cfu叫我留低泊埋佢

回程路上, 有個用柺仗的女人, up下uo咁過馬路, 其實不遠處已經有行人過路線, 好心行多兩步保重身體la

又有個男人可能追巴士, 由大廈出來頭都唔望來就跑出來

我有break, 比cfu早, 因為由佢從大廈出來已經開始跑, 跑出馬路

大佬呀!!我只是一個學神仔, 還是一個會油門當break制踩的學生, 唔好expect我會照顧你先得ge

學車13 - 22.02.2010

2月22 日

7:30分

無lala今晚得閒, cfu又ok, 去學車lu

距離考不足一個月, 今次13堂, 要多d時間去學!!

其實到現在, cfu要教的都教晒la, 只是自己可否熟透地運用出來, 呢個都係考試成敗的關鍵.

今晚忠義街好多好多車, cfu話傾日可能有牌考, 排隊練掉頭同泊位要等成10幾架車, 好呀, 成晚只排左一次隊, 掉一次頭, 泊左3次位.其如時間都在兜圈操擰頭大法, 呢個係我的弱點, 唔學好會死人!

試場出面條路的右邊有架死車double parking, 真係要嗚謝一番, 因為比左好多機比我學習

望鏡打燈擰頭切線,再望鏡打燈擰頭再切線回右線

幾時出幾時回都係學問, 回線後又要即收油轉2波落斜

架成車附近還有個奇怪阿伯行來行去,又橫過馬路, 成晚都係咁, 唔知想點!!不過又要嗚謝一下佢, 我為左想同佢保持3呎距離, 扭左過去右邊架死車那一邊,cfu話, 今次你肥左la.......!!!!!! 無論係點, 都應該保持行車線, 但可以減低時速...!!

cfu問: 今日你係唔係好倦, 今日你不停地踩, 又冇排隊泊位係倦d ga la

 

學車12 - 18.02.2010

 
二月十八日

下午2:00



又係下午學車, 盡量多d時間日頭學車,約左cfu在旺角等就開車去高山道操練擰頭.

今日的高山道沒有太多死車,但都努力把8擰頭動作做好. 務求升呢以應付試場中的死車!!



行左3個圈叫做無風無浪, 都有75分, 不過考試要100分ga!!!



cfu車左我番試場, 不過今日布冇人考牌...只好行一個圈同入

咖密村街行下, 睇有有什麼野



今日都唔多車, 只有一架IKEA密斗停左在最衰的位置上, 即係禁區牌後, 都好WOR,, 正當CFU停車預備過頭時佢竟然關上車門, 即係要走? 但係CFU話都照+做比我睇, 我還伸頭過去CFU度睇位TIM,好彩佢唔係女CFU.



返到去高山道堌玩左3個圈CFU就去叫我揸去九龍塘玩, 好耐冇返過來LA,感覺好唔同, 因為自已手車好左好多, 行得好順, 可能離開左試場, 冇晒壓力, 泊位,3手掉頭都輕易做到.



玩完就返旺角, 沿途感覺良好, 主要道路都冇問題.

學車11 - 16.02.2010

二月十六日

第 11 次學車



今日紅日, 可以日光日白上忠義街, 平日只可以摸黑上



日是日泊位掉頭都100%ok, 但都有一次冇鬆手掣, 及一次掉頭時在第二手時唔記得擰軚, 係唔係想死呀.



其實基本的已經學會了, 現在正努力如何安地駕駛, 包括擰頭, 月線扖頭, 如何忍讓對頭車



泊緊位時, 有車行過來

識停一停等一等, 有人泊緊就唔好過, 人地行你就停, 人停你就去.



Cfu今日又帶我入迦密村街, 今次有死車啦.泊左晌灣位處, 我最擔心ga位, (好野!!)





『睇唔到對頭有冇車就停車先, 再睇唔通就駛出少少,伸個頭開d睇下,冇車la就可以出』

當駛出去時對頭有架對頭車駛左出來, cfu停左車, “睇下佢停唔停先, 佢停我就行”慢慢捐番入去.”

其實cfu係唔係專登ga?



前面還有一個 停車場出口, 睇下架車會唔會駛出兼轉右, 小心.



是日擰頭動作還未做好, 又居然意圖扖一架正在上客0既的士, 作死下你!!!



番旺角途中cfu又教左我唔好同架巴士or 大車一起入彎, 一係快過佢一係比佢行先, 係,知道!

學車10 - 12.02.2010

2月12日

今日放假, 約左cfu出去學車, 由於成個愛民村平日日頭都係學神禁入的, 只好約cfu上高山道玩死車.

高山道你雙程路, 兩邊都有死車, d死車時大時細, 對頭都好大, 有機會誇誇線時唔夠位, 路上交通流量都唔少, 要盡心機去睇去行去擰頭, 呢個特訓都唔簡單, 中途遇見了不少情景

- 有架大貨車停左晌路邊唔知佢想點, 隔離有泊位又唔駛埋去

- 有架benz泊唔到位我企後面等佢, 最後可能大瘀皮走左

- 有個盲毛什麼都唔望悠閒地過馬路

- 當我轉左時, 爸爸手推bb車出馬路, 我扭左開去, 不過cfu話應該要慢車/停車, 而唔係扭開去

- 又有架車double park + 打死火燈

- 路窄時迎頭有架大車駛過來....要慢車oreven停車比佢行先

真係要多謝咁多位路人甲乙丙幫助小弟升"呢"

cfu又開車帶我上忠義街睇佢點行

撞正考客貨van, cfu就順便跟住佢行, 睇下佢地有冇擰頭, 入迦密村街個燈位剛剛好有人做維修, 放左過雪榚筒在停車線前, cfu話咁唔好彩, 呢次真係考起la.....正確方法係等左邊線的車走晒才擺左爬過個雪榚才右入迦密村街

神秘的迦密村街今日一d都唔神秘, 因為冇死車.

玩完返旺角, 途中差不多上到50...ok, handle得到

是日錯處:

- 扭軚唔好, 回軚湹唔準

- 轉彎太急

- 有放手掣就踩油門 (作死!!!)

試場中見到教車聯會的人收錢 (咁神秘??)

學車9 - 10.02.2010

日期: 10.02.2010

時間7:30

地點: 都係忠義街

今日試都幾多學車, 但係有3個吉位, 大家都唔洗排太耐

掉頭100% ok, 平日cfu成日同我講前面有幾多位剩, 今日返而叫我唔好太埋, 其實cfu架車短, 扭力好, 係咁易都一定做到

泊位

100%ok, 不過隻腳唔多聽話, 控唔到個油門, 架車唔識好smooth地後溜, 其中一次係扭乾軚入

死車出現在唔同地方, 其實每見到死車都好開心, 感謝佢晌度幫我操練

是日錯處

冇拉手掣就踩油門 x 2

冇擰頭 x N......

擰頭前已經挨左出去 x 2

擰軚太急 x N

可能今日太倦了...........成日魂遊四海....

還有兩次, 掉頭倒車時冇擰軚 (我冇打錯字, 真係冇擰軚ga)

在亞皆老街上比cfu用力踩break, 好大力踩落去, 跟車太貼!!

 開完車個人downdown地

學車8 - 04.02.2010

上星期cfu cancel左我一堂, 因為佢有個學生星期一要考試, 我基本上冇所謂, 不過就成日好想去開車

隔左成兩個星期終於有得揸la

7:20已經在忠義街睇d貨van學泊車

何解佢地全部都扭乾軚ge??



今晚車場有兩個吉位, 加上學車唔多, 所以短時間內已經掉左3次頭, 泊左4次位la

死車扖頭大法都練左2-3次, 多謝死車門, 有擰頭, 不過cfu話我擰之前架車已經飛左出去la

斑馬線見到個好c9, 行緊去路口, 我冇停車 (cfu, 呢個算唔算ga..都算ga...唉...死左~~)

斜路開車练左好多次, 務求開個順嘅, 不過又唔記得擰頭

是日其他錯處

- 落鈄唔記得入2波, 架車hu hu聲地碌落山

- 6次有拉手掣就開車...作死!

- 轉右時起步太慢..."冇車都變有車la"

放學又揸落去旺角, 不知不覺開到去60, 比cfu叫停, 慢d la細路