MY cfu

MY cfu

成日有人問邊個cfu好唔好, 不過CFU呢D野真係人夾人緣, 有人要CFU打手板比人小先舒服, 相反有人受軟唔受硬

不如形容下my cfu LA



我個CFU係一個白頭佬

次次都穿恤衫西褲上堂, 後座有時還有件西裝褸

斯文人, 星期日上午唔教車, 因為要番教會,



車

車仔ECHO(自動波私家車)

佢成日話自己架車扭力好

細細架易泊位, 易掉頭





20堂內冇閙過人, 只是UM我

- 你頭先冇擰頭WOR

- 你未入波wor

- 你冇放手掣wor

- 未開車時揸住個波

- 一D都唔慢   <----呢句已經係20堂內對我最重語氣GALA



上堂途中不停講要點要點....

- 前面讓路要停,

- 前面有個小心學童牌要慢駛,

- 出大路立心停車....

- 紅綠燈收油, 去到白線前都唔轉燈就踩油去, 過白線時見到黃燈都照去

- 掉頭時, 最緊要慢, 間中停下車都係100%正確, 唔好比架車快

到我最後一堂都有講, 所以我好肯定佢冇訓覺



20堂內佢食過一個蘋果

- 我知當日佢由2:00PM踩到去7:00PM



20堂內只見過佢打過4個電話

- 同學打來約時間

- 推銷

- 放學時返我旺角途中佢CALL太太過黎

- 唔記得左, 但一定唔係吹水電話



有冇偷我鍾?

- 試過兩3次早左5分鐘, 不過在所難免, 路上交通話唔埋, 我都冇介意

- 有時我又會早到, 佢又唔會介意我偷佢鍾

- 但都試過留我堂, 要我行多轉, or泊多次位先放我走



多唔多停低理論? 可能有人會認為浪費時間, 但有人又想知多D野WOR

- 第一堂講左5-10分鐘, 話我知車上有什麼野

- 筆試成功後同我講那考牌的肥佬剔

- 當排緊隊泊位時間中會講下頭先在路上應該點揸點揸





同佢講笑講無聊野佢未必跟得上你的轉數

但係講同學車有關既野就即問即答有險情時, 佢會用隻閃電手同你拉手掣入N波

佢記性唔係太好, 未必記得你上堂發生過什麼事

開始時佢鐘意去九龍塘

唔鍾意跟住其他學車行

上堂前45MIN會打電話比你CONFIRM

我從未試過早過CFU到達約定的地方

教學語氣/氣氛平穩平和, 唔好用會考補習班的名師同佢比, 佢一D都唔係那一個STYLE

雖然佢唔會係最好的一個, 但總不會是錯誤的選擇, 其實我覺得佢D STYLE都幾啱女仕們學

唔鐘意操練同一樣野, 泊位泊左3-4次就叫你走, 去玩下其他野先, 遲d又玩過, 見多人排隊都可能叫你去第二處玩下先

開始時主力要你控好架車, 有d野會遲少少先教...如擰頭

有關critical的錯處, 佢一定會指出+um你, minor野會少d提, 總之死唔去la

排隊等泊位時會叫我熄左個高燈, 唔好射住其他同學仔MY cfu

有時收到PM問我CFU好唔好, 不過CFU呢D野真係人夾人緣, 有人要CFU打手板先舒服, 有人受軟唔受硬
不如形容下佢LA, 睇完晒先諗下係啱唔啱洗LA

我個CFU係一個白頭佬
次次都穿恤衫西褲上堂, 後座還有件西裝褸
斯文人, 星期日上午唔教車, 因為要番教會,

車
車仔ECHO
成日話自己架車扭力好
細細架易泊位

你還關心什麼呢? 想知什麼?

20堂內冇閙過人, 只是UM你
- 你頭先冇擰頭WOR
- 你未入波
- 未開車時揸住個波
- 一D都唔慢   <----呢句已經係20堂內對我最重語氣GALA

上堂途中不停講要點要點....
- 前面讓路要停,
- 前面有個小心學童牌要慢駛,
- 出大路立心停車....
- 紅綠燈收油, 去到白線前都唔轉燈就踩油去, 過白線時見到黃燈都照去
- 掉頭時, 最緊要慢, 間中停下車都係100%正確, 唔好比架車快
- 到我最後一堂都有講

20堂內只見佢食過一個蘋果
- 我知當日佢由2:00PM踩到去7:00PM

20堂內只見過佢打過4個電話
- 同學打來約時間
- 推銷
- 放學時返旺角途中CALL太太過黎
- 唔記得左, 但一定唔係吹水

有冇偷鍾?
- 有時早左5分鐘在所難免, 路上交通話唔埋
- 但都試過留我堂

多唔多停低理論? 可能有人會認為浪費時間, 但有人又想知多D野WOR
- 第一堂講左5-10分鐘, 話我知車上有什麼野
- 筆試成功後同我講那考牌的肥佬剔


同佢講笑講無聊野未必跟得上你的轉數
但係講同學車有關既野就即問即答
有險情時, 佢會用隻閃電手同你拉手掣入N波
佢記性唔係太好, 未必記得上堂發生過什麼事
開始時佢鐘意去九龍塘
唔鍾意跟住其他學車行
上堂前45MIN會打電話比你CONFIRM
未試過早過CFU到達約定的地方
教學語氣/氣氛平穩, 唔好用會考補習班的名師同佢比, 佢一D都唔係那一個STYLE
其實我覺得佢D STYLE幾啱女仕們
唔鐘意操練同一樣野, 泊位泊左3-4次就叫你走, 去玩下其他野先

考車牌 - 18.03.2010

考牌

















CFU把車駛到門口前,
把車牌, 身分證, 准考證交比我,(頭先上車時比定佢)



不過我想參觀一下個toilet先wor







放低晒所有多餘的水分份後, 洗個面, 出去接過cfu手上的車牌文件就入去見主任



嘩咁濕ge?去完廁所黎呀

係呀唔好意思, 我已經盡量揸住隻角gala

唔緊要,
你攞兩個牌比cfu掛起佢先la

從檯上的文件知道我係最後一個考生



飲啖水, 含兩粒airwave, cfu提我帶番安全帶先

阿sir上車, 你叫什麼名? 你落去最前泊4号位la



......拉手制入p波



你泊完未?....咩呀? 你泊完未呀?泊完!



咁落斜向前行轉右..







好呀路上冇死車冇神秘阿伯

去到百佳時...你前面直行轉右la



斑馬線冇人

讓路轉右冇問題, 不過開車時唔夠快, 冇平時咁靓.

(粒airwave好甜...good feeling

)







路上有死車, 不過難唔到我ge

前面燈位右轉 (冇驚喜, 早知你會叫我入去)

入去個袋度等, 山上有兩架車落離, 我唔敢開車, 不過我知cfu一定會叫我開車去







問題來了!!!



呢兩架不單止轉入迦密村, 還要駛入政府合署裡面, 佢地要等道開閘,

頂住晒d位,

當時我諗

如果我開車行過去, 一定踩到行人過路線的黃格,


但係cfu又好似講過一定唔可以晌個袋等到紅燈,

等又死唔等又死

cfu你去左邊下

我只好慢溜入去迦密村街, 好彩佢地晌我開到前已經走左.

第2個問題又來了



有架死車在彎位處打左死火燈, 前面又有一架7人車死左晌處,對面線同一個位置居然有一架大泥頭車, 還在夾緊泥頭tim

望唔到前面, 只好慢溜出去, 前面對頭有架的士, 佢見到我都唔敢駛出, 縮番入去泥頭車附近..唔該借借.



條路好窄好窄又彎, 左邊一架7人車, 右邊一架泥頭車, 佢d機器+泥頭還發出巨晌, 好驚好驚, 即使上兩日在太平道都冇咁驚.



死車+大車+路窄+噪音








一d都唔慢一d都唔慢一d都唔慢一d都唔慢一d都唔慢



cfu的聲音在腦海中浮現, 慢慢浀溜前,
好驚hi到野




終於過左,



成個人牛牛地, 扣左80% energy








個腦已經實左, 轉右時好似左少
少火位, 唔敢睇,
個人開始緊張起來!!!



之後由大排檔至巴士總站之間發生過什麼事, 已經完全記唔起





上斜時對面線有架車扖頭, 過我火位線, 我有慢行就下佢









入試場, 考斜路開車, 未停好阿sir已經叫我走

前面條線停, 3手掉頭

個人好倦...掉頭時比較馬虎,
cfu成日話佢架車好扭力, 我就求求其其掉左就算.....第二手軚過左90度就入番D波轉右

CFU之前成日提我..後面還有好多位WOR...SORRY,
我只想盡快完成佢









入位... 完成







阿sir還目及住我, 我知佢想要什麼.當然唔係利事LA







係:拉手掣, 入p波, 熄匙！！！

之前見到個考生, 阿sir落車之後還睇住佢, ＣＦＵ都覺得奇，　點解阿ＳＩＲ唔走，　我見架車的尾燈還是開住的, 唔通

”目及”住佢有冇未熄匙就放安全帶???







cfu唔知晌邊處走出來問...一定pass la



唔知! 迦密村好複雜!!!!
　　＜＜＜－－－有Ｄ炆　ＢＵＴ　好謝







在ＯＦＦＩＣＥ內交低個牌, 見阿SIR在劃劃劃, 好緊張，因為真係比平時表現差左Ｄ，又在迦密村咁咁咁, 又好似走左出火線....佢絕對有機會肥



 




























主任比黃紙我......呼......PASS!!!











上番車同CFU報喜, 講番之前的事



經過迦密村時, 想叫CFU睇下架泥頭車......架車冇左!!!!!!!



撞鬼呀!!!!!!











在車上......成個人謝晒....好倦, 驚魂未定..........

晚上9:00上床訓左





可能太盡LA, 今日發生的事已經超越左我自己的能力
CFU把車駛到門口前, 把車牌, 身分證, 准考證交比我,


不過我想參觀一下個toilet先wor





放低晒所有多餘的水分份後, 洗個面, 出去接過車牌就入去
見主任


嘩咁潮濕ge?去完廁所黎呀


係呀唔好意思, 我已經盡量揸住隻角gala


唔緊要, 你攞兩個牌比cfu掛起佢先la


從檯上的文件知道我係最後一個考未


飲啖水, 含兩粒airwave, cfu提我帶番安全帶先





阿sir上車, 你叫什麼名? 你落去最前泊4号位la


.............................


拉手制入p波


你泊完未?....mei呀? 你泊完未?泊完!


咁落斜向前行轉右..





好呀冇死車冇神秘阿伯





去到百佳時...你前面直行轉右la


斑馬線冇人


讓路轉右冇問題, 不過開車時唔夠快, 冇平時咁靓.


(粒airwave好甜...gd feel)





路上有死車, 不過難唔到我ge





前面燈位右轉


入去個袋度等, 山上有兩架車落離, 我唔敢開車, 不過我知cfu一定會叫我去


問題來了!!!


呢兩架不單止轉入迦密村, 還要駛入政府合署, 佢地要等道開閘, 頂住晒d位, 如果我開車, 一定踩到行人過路線的黃格, 但係cfu好似講過一定唔可以等紅燈, 我只好慢溜入去, 好彩佢地晌我開到前已經走左.





第2個問題又來了


有架死車在彎位處打左死火燈,
另一邊居然有一架大泥頭車, 還在夾緊泥頭tim


望唔到前面, 只好慢溜出去, 前面對頭架的士見到我都唔敢駛出, 吞留番入去..唔該.


條路好窄好窄, 架泥頭車還發出巨晌, 好驚好驚, 即使上兩日在太平道都冇咁驚.





一d都唔慢一d都唔慢一d都唔慢一d都唔慢一d都唔慢


cfu的聲音在腦海中浮現


終於過左,


成個人牛牛地





轉右落斜時, 不過好似左少少火位, 唔敢睇, 個人開始緊張起來





入試場, 掉頭時比較馬老虎, 第二手軚過左90度就算





入位... 完成





阿sir還目及住我, 我知佢想要什麼.





拉手掣, 入p波, off匙, 之前見到個考生, 阿sir落車之後還睇住佢, 不過架車的尾燈還是開住的, 唔通目及住佢有冇未off匙就放安全帶???





cfu問...一定pass la


唔知! 迦密村好複雜!!!!





交低個牌, 見阿SIR在劃劃劃, 好緊張





主任比黃紙我......呼......PASS!!!








上番車同CFU報喜, 講番之前的事


經過迦密村時, 想叫CFU睇下架泥頭車......冇左!!!!!!!


撞鬼呀!!!!!!








在車上......成個人謝晒....好倦, 驚魂未定..........





 

學車20堂 ~~最後最後一堂!!!! 18.03.2010

3月18日    晴

最後一次學車.

今日請左半日假, 九龍塘上車, 第一堂晌呢處學車, 最後一堂都係

平路泊車, cfu再一次教我救車大法, 如果架車泊得太開, 如何扭番入去, cfu叫我專登泊開d, 然後試一次扭番轉頭入去.

之後掉一次頭, cfu叫我緊記回軚

跟住行去天光道入靠背龍去高山道操擰頭大法

3個圈後就上試場, 由CFU表演, 我坐隔離飲番支葡萄x先, 唔敢飲晒, 怕谷得太盡

小巴斜路個坑唔見左, 暗喜!!

不過好多小學學生過斑馬線, 源源不絕, 有d驚驚....

行多一個圈後, 又到中學生放學, 佢地唔睇路, cfu話我地有優先權, 但又唔想車死佢, 只可慢溜

.............................................

夠鐘la..其實只是3:40, cfu車我入試場

學車19 - 16.03.2010

最後一晚依然係在太平道開始

太平道好繁忙, 比起迦密村街更加複雜, 前面有死車, 對面線前d又有
擰頭右閃, 再用龜速大法向前走, 前面死車又有3..4..5..架車想cut線扖頭, 不過好少理, 因為佢地見到小弟心口有個學字, 全部都縮番入去,
不過還有一架拮左個頭過來
cfu叫住....慢d..慢d...一d都唔慢呀

係係係....一d都唔慢呀, 唔應該按油門, 要由得架車龜速碌過去
罰自己講多10次....一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢一d都唔慢

有時學得車多開始行得太快, 轉彎時未夠慢, 又被cfu um左一野

忠義街極多人...唔排la, u-turn走人, u得好好ｗｏｒ，不過考試唔考ｇｅ

右轉之後神秘阿伯又出現，剛好左邊有架小巴，唔可以閃左避開阿伯．．．．．
你離個阿伯太近ｌａ．．．．
你應該慢駛．．．．
妖！！！．．．多謝阿伯比機會我．．．．唉．．．．

路斜途中左邊有掘路工程，一小堆...cfu問, 點解你唔擰頭?? 擰頭??掘路??下!!係.....

走左兩個圈，　又係ｃｆｕ表演時間．．．入迦密村行下
死車．．似乎已經可以handle到，　呢處比太平道太平好多，　問題係我一次都有揸過

右轉之後ｃｆｕ泊埋左邊比番我揸
由頭開車．．．摸摸摸摸．．．撻車望右冇車放ｂｒｅａｋ．．．嘩．．．ｂｒｅａｋ！！！！
原來左邊有個後生仔在我車邊同欄杆之間行過，　應該係攝過，　比阿ｓｉｒ睇到一定死緊！！！
在不願意的情況下又要多謝一下呢位後生仔

忠義今晚真係極之次旺，　單單轉出大路的隊都已經有超過１０架！！！

有次過斑馬線時左邊有人等過, 我已經做好停車準備, 但係左邊架車冇讓....照行...我見佢照行, 擋住左個人, 我跟佢照行....cfu:點解你明明準備停車，點解又開車駛過斑馬線？？？　我．．．．．無言．．．又死一野．．．．





快落車時, cfu同我講...冇問題ga la 一定合格, 你會唔會緊張ga?
我:　應該唔會緊張，不過我怕我又會發夢！！！！
（咁大個人，見過咁多風雨，埋應唔會再緊張0瓜)

最後一夜居錯左咁多野，加上成晚多次唔記得打訊燈....
cfu呢句台詞似乎未能使我100%安心

學車18 - 14.03.2010

星期日 5:30分

尊登安排今日學車因為想試下日光日白在試場揸下,

又再晌旺角太平道上車,

太平道係雙程路, 今日有車double parking, 我要越線扖頭, 駛個頭出去時正好有另一架車在對頭來緊, 緊記堅持向前行直玨3-4呎先停, 不過當然對頭車見到我個學神牌早已被嚇停左la, 我就龜速地晌佢前面左轉入番自己條線, 這正是迦密大法啦, 終於有機會比我試一次la!!!!!



直上試場, 沿途好好, 冇錯, 順暢地到左忠義街, 今日忠義街非常多車, 機乎連排隊嘅地方都冇, 只好u-turn走人, 近排成日u-turn, 搞到我無lala學多樣野!!

行左一個圈就提議cfu比我去高山道行下, 落山途中fu把我個推上去一波, 佢話行快d la, 比起以前一波落山肯定會踩死個break唔敢去...哈哈~ 在高山道操下擰頭大法, 行左3個圈, 覺得有信心, 上番忠義街玩

終於d學車少左好多,我可以排下隊, 同樣冇病冇痛, 順利完成掉頭泊位.

今日cfu好少出聲, 而我都知道自己去到邊, 不過揸車呢家野, 一不小心便會鑄成大錯, 考試都一樣, 所以依然要小心為上!!!!

學車17 - 12.03.2010

進入倒數階段.....

照舊旺角上車, 不過開始時唔太好, 感覺唔集, 連隻腳要踩邊一個制都要諗一下先做到, 唔多掂!!!

唔知點解今晚特別多學神排隊, 差d排到出路口

唔排 lu, u－ｔｕｒｎ走人

今晚的死車擰頭大法去到９０分，　不過又係那一句，　要１００％先及格！



之後整返兩粒airwave先, 感覺果然唔同晒, 集中好多!!

cfu今日帶我利左兩轉迦密村街, 正好有死車等我地爬, 對面還有兩架近頭地恭候我地, cfu擰頭駛出, 再以烏龜大法, 在;迎頭車面前左轉返入左線

唔好意思, 阻住各位司機大佬tim, 不過小弟考試當日千奇唔好再泊晌呢處la

再入番忠義街, 依然多車, 見有一個非考試泊位冇人去泊, 我地就u-turn過去玩

試左3次100%ok

過燈口的一剎, 佢變左黃燈, 緊張起上來, 想停車, 其實自己知道唔應該停, 要去埋佢, 不過心理準備未夠.....

燈口前要立心停車, 去到線的前一剎都未轉紅就踩油去, 踩左之後轉什麼燈都好都唔好埋, 去埋佢

返旺角, 又係大展身手的時候, 都唔洗點cfu提點lu,

路上開左45+, 前面紅燈想停車, 用左平日的力度去踩, 但係架車只係慢左d, 冇停下來, 白線到la, 只好狠狠地踩下去, 終於停左.....呼~~ cho親cfu tim...



我視呢次考試為一場表演

如果計平均分, 我的分數唔差ga, 不過考試還考試, critical point, 一tick就即肥!!!!!

學車16 - 9.03.2010

下星期四就考試la, 要努力搵時間學車!!!!!!!!!!!!!!

晚上買學車最大的問題係唔夠精神, 由上兩堂開始, 學車時會食兩粒airwave提神, 今次再加上葡萄適激發腦轉數, 增強能量, 好彩考牌唔使驗尿!!



由旺角一鼓作氣踩上忠義街, 就好似一場表演咁, 要smooth, 要時快時慢, 要擰頭, 要pass!!!

今晚忠義街有兩個泊車位, 所以好快就掉左一次頭, 泊左一次.

跟住學神又多起來, 我同cfu講唔排la, u-turn走人, 繼續跑圈, 操練擰頭大法!!!!! 出左忠義街轉右時又有一架死車泊在右線, 左邊又有神秘阿伯行來行去, 條友係唔係教車公會派來ga.... 不過有左佢多左好多樂趣!!

是日問題

- 通常在佛光街入忠考街時, 總有車爬我頭, 今晚就太過留意後面架車, 入彎唔靓仔

- 擰頭成功率只有85%, 可知道要攞100分先可以及格

- 有一次泊位時發緊夢, 唔記得扭第二軚

- 有架死車開左門, 凡慢駛而過, 不過cfu話應該要停車



加油呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

2010.03.06 - 長洲遊

3月的日子去到成28度, 是日多雲, 間中有陽光

上次來的的時候已經是08年10月la, 坐兩點十五分的船, 慢慢悠下悠下入長洲.

我地冇食午餐, 只是上船前坐晌海邊食左兩塊餅乾, 在船上食左一包蝦條, 落左船就立即去搵日本婆食手卷+紅豆餅, 雖然唔係十分十分好好好好食, 不過幫趁左咁多年, 每之入去總會幫趁下

 

學車15 - 6.03.2010

放工...又去學車

一個星期冇上過堂, 生手左.

今晚忠義街有好多車排隊, 成晚只掉左兩次頭, 泊左兩次, 試場行左1.5圈only.

唔夠皮ar!!!!

擰頭大法開始叫似樣d

考民街上又有個阿叔在馬路上行行企企, 唔知想點, 其實上次學車時已經見過佢, 好彩cfu都見到, 唔係嚇q死.



回程時在何文田路斜時, 左邊架巴士由巴士站開出去左1線, 佢轉時挨左過去我條左2線, 自己好自然地挨左去右邊, 自己醒覺時左輪已經過左火位線!!!!!!!!!!!!!!!!!!!!!!

自己都知錯晒...critical!!!!!!!!!

cfu還笑住問我係唔係怕左架巴士, 我都知道la

你應該保持行車線, 慢速, 甚至停車...

係係係.....critical....記住記住

勿忘記多謝呢位巴士佬!!!!!