HIHIH

2009年2月26日星期四

一百萬零一夜

http://www.foxsearchlight.com/slumdogmillionaire/

Q01：1973年動作電影《囚犯》主演的是哪一位？ AMITABH BACHCHAN
Q02：在印度國徽中，有三個獅子，獅子下面寫的是什麼字？ The truth alone triumphs
Q03：教義中描述的羅摩神，他的右手裡握的是什麼？ A bow and a arrow
Q04：歌曲《darshan do ghanshyam》是哪位著名印度詩人作詞？ Surdas
Q05：在100美元的鈔票上是哪一位？ Benjamin Franklin
Q06：是誰發明了左輪手槍？ Samuel Colt
Q07：劍橋情報部不在劍橋，為什麼？ London
Q08：哪一位板球運動員是本世紀歷使得分最高的？ Jack Hobbs
Q09：在亞歷克斯大仲馬的書《三個火槍手》中，其中兩個叫阿托斯和波托斯，第三個火槍手的名字叫什麼？ Aramis

Q10：Jamal Malik差一條就贏得20 million rupees，他怎樣做到？

A: He cheated B: He's lucky C: He's a genius D: He is written

帶住奧斯卡名牌效應的心態入場 (如果單睇TRAILER,我一定唔會入場)
但係當一熄燈後便被迷住了
成套戲用百萬富翁中的問題串起主角一生的經歷
好慶幸小朋友都在富裕+穩定的香港出生

2009年1月22日星期四

靈糧幼稚園新春年宵花市

今日又係學校一年一度的大型活動－新春年宵花市
上年又落雨又凍，今人年終於好天氣同＋和暖
好好彩我又被抽中做義工，有得參與呢個盛會，當我８：００去到球場，校方已經佈置得７７８８，真係唔知佢地幾點開工！！！真係要多謝學校！！

睇下個場．．．有板有眼同花市沒有多大分別

舞獅

人流管制！！！

我要負責呢個位

美食街．．．棉花糖．．．ｐｏｐｃｏｒｎ，椅

賣揮春

遺失兒童待領處？！
因為小朋友都係二人一組，高班的會帶住幼班行花市
如果個ｐａｒｔｎｅｒ唔見左就要來認領番

３００個穿華服的小朋友！！！

2009年1月2日星期五

同阿囡入左仁安醫院

今日放工lala聲飛番屋企,事源囡囡在12/26已經開始及燒,最高一晚去到104.5度,雖然1月1日已經退晒燒,不過就訓足成日,心情好差,胃口好差,什麼都唔肯食,點知一番到去發現囡囡行唔到!!!!!!!!!

工人同媽子見佢精神好好,以為佢鬧情緒,要人抱下,不過我一睇就知道可能好大鑊!!!細問囡囡,原來佢由上午起身已經行唔到,叫佢試下行下,佢居然企都企唔到,諗住立即掛號睇林醫師,不過佢已經停左派籌,只好去下面個醫生睇

醫生都唔知什麼事,寫左張信叫我帶囡囡入急症室,

醫院睇完之後收左佢,要觀察+做檢查.....做完x-ray就要抽血,醫生話最大榭會可能係肌肉中的enzyme太多,所以要抽血驗下..........阿囡好勁,抽血時冇哭,只是叫了幾聲痛,佢由歲半開始就冇打過針,今次在過程中表現可是十分佩服.

我地住大房,不過全房只得我地一伙,反正第二日唔洗返工,第一晚就由我來頂la!!!! 晚上醫院好噪,不停聽到小朋友嚎哭.......嗚......一個接一個.........嗚...........

第二朝我地訓到成8點先起身

今日囡囡有好大進步,已經可以行,不過就左摇右擺.,似乎佢隻腳已經冇咁痛,下午6點來巡房時,囡囡已經可以用腳尖行,好似穿高跟鞋咁,醫師話應該係發燒病毒引起肌肉發炎,佢批左我地出院

啦啦淋收拾行裝埋單走人!!

可憐細佬呢兩日一個人hae晌屋企,冇人同佢玩...

小朋友生病可不簡單!!!

2008年12月24日星期三

2008 平安夜大戰木糠布甸

平安夜本應係好平安的,不過今晚我地選擇左一條比較難的路行

大戰木糠布甸

下晝一早放工就去收集材料.....

淡忌廉           1000ml

煉奶                 185ml (半鑵)

瑪莉餅             一包350g

今晚阿爸阿媽來過節打邊爐,到d小朋友上晒床已經11:30pm...開工!!

首先係把瑪莉餅變成木糠

屋企冇木棍又冇攪伴機...點好? 用鉆板壓!!哈哈,最後搵左兩個密實袋+3鑵粟米湯幫手....

中間係已經戰死的粟米湯.

淡忌廉要打到6成企身加入煉奶再打至9成企身.

開頭時胸懷大志地光用手打,不過打左好一段時間依然唔企,反而我地就企晒晌度,唉~~話晒成一公升忌廉架,都係用機打...不過用機都打左5-10分鐘,如果冇機的話~~~~

在底鋪上一層木糠後，倒下忌廉煉奶，鋪平成1cm厚的第二層，繼續梅花間竹鋪至七層.....呢下唔難,不過因應視覺上好睇d,不妨在邊邊的地方加多d木糠.

放入雪櫃4個鍾就食得....收工,不過已經係零晨1:30....

呢樣野聽落好容易,不過如果冇機器幫手真係....幾好玩架.又易整!

2008年11月20日星期四

腸鏡後的日子

上回講到何大夫要我擇定良晨吉日做手術...

一路的心情都怪怪地,又想起一個女人病的廣告,當中一句的對白係...

『我老公係我的初戀情人, 冇可能係我的!!』

自問日日3餐定時,平日喜歡食菜同水果,冇埋有會有呢個問題!

有幾個同事都叫我去check多幾個醫生先決定

腸鏡5日後

因此, 我就晌沒有大寄望的心情下, 上網搵左個專門做呢樣野的醫生去double check! 診所內有5-6個人, 全部都係呢個case, 有d係做完手術返來取藥同覆診.診所還有一個照腸鏡的房間,由閉路電視中睇到有兩個病人正訓在休息室內

入到去見到林永芳大夫時, 立即道明來意同奉上精美的腸照+report, 林大夫居然話"冇瘡喎!", 呢幅相人人都係咁駕啦!我再3追問,佢都好有心機同我講話冇事,最後還用font size 28的行書在佢自己的record上寫上"NORMAL"一字,你冇事, 唔洗食藥, 走得, 多謝600個大洋.

落左街之後好迷茫,解解條友會話我冇事??一個比零分我, 但another大夫比左100分我, 咁即係點? (0+100)/2 = 50??

我會偏向相信林大夫多d, 因為佢的說話啱聽d, favor to我多d, 正所謂忠言逆耳ma! 林大夫係專呢科, 日日都係睇呢個症, 經驗多好多~~

http://www.llclsc.com/contact.html

腸鏡6日後

今日要番何大夫診所覆診,我把我的問題list晒出來.....手術點做, 開幾深,幾耐康復........不過佢好似冇心機答我野, 手上還揸住人地個report睇緊....

咁如果唔做會點?? 何大夫曰:會變大同流血, 遲早要割!

咁現在可以唔做手術嗎?? 何大夫曰:我唔會答你ga, 以免日後有事時番來問我

腸鏡7日後

基本上對何大夫的信心大跌,但係唔可以意氣用事,同自己身體過唔去,一定要搞清楚! 剛好隔壁的同事介紹左一個醫生比我, 就去睇埋佢la.

吳維昌大夫的診所在sogo上面, 我轉左個大圈先搵到個入口, 我立刻推晒所有report比佢睇, 吳大夫睇完胃組織的幽門螺旋菌個tester後, 佢話我個胃冇事. (吓!!)再睇完d精美的腸照後話, 佢話冇事wor!!! 就算係都係好早期, 在呢個情況下唔值得做手術, 須知道如果日後(番發)要做第二次的手術的風險會大好多!!

我離開時我同大夫話:即係我有排都唔會發la? 曰: 係, 有排擺!!

總結:

由網上的info得知好多香港人都有幽門螺旋菌, 除非影響你的胃部, 如胃痛同胃潰瘍, 否則可以唔醫.

好鍾意吳大夫的advise: "在呢個情況下唔值得做手術," 一個好實在的advise, 吳大夫請放心, 就算我跟住有什麼問題, 我都唔會找你晦氣ga~~~~~~~

2008年11月13日星期四

2008三日兩夜浸會醫院照大腸之旅

都考慮左一陣子應否把呎呢個旅程放在blog上,話晒都係一個叫人鑑介的病.

11月11日

早在數個月前已經發現如廁的習慣有所改變, 一直以為是一般腸胃問題,但係一直都冇改善,心知應該要搵大夫睇下,上星期四同大夫訴說了病程之後,佢話要去照下腸,佢寫左封信叫我找外科大夫跟進,星期五見公司的workload還可以便打開個doctor list,一般的專科大夫都要預約,所以!我是但打,找睇下邊個今日可以收容我,最後找到何惠德大夫,去之前check下佢係什麼人得知先,在internet上竟然search到好多馬會同馬經出來,何大夫竟然係一個馬主!! 即係話佢係好有米同年齡唔輕(年輕一代唔會買馬),換過來說(ASSUME)佢係一個有好多年經驗的大夫!!!

當然當我見到佢時証明左我的推斷冇錯.

大夫問診之後就問我幾時話入院,就星期二啦,好讓我可以星期一清理一下公司D野,出院後有一日BUFFER而星期六謥應該可以出席D細路的家長日同星期日的學校旅行! 醫生問我有否胃唔舒服,我話有少少LA,佢就話同我合照腸鏡,胃鏡受同ULTRASOUND,即係肚皮下的都比佢睇(CHECK)晒!!

星期一下晝食左個燒肉雞飯晚上就冇食野同飲水,第二日朝早9點鐘就要CHECKIN,我選擇左新翼的房間,因為環境好D,最緊要係有得上網!!!不過職員話只剩下一間冇窗的二人房.....我部電腦就係我隻窗啦!!我凡凡ROOMATE都係照腸的,真好彩!!!

10:00姑娘吩咐我唔可以去洗手間,因為要照ULTRASOUND.

12:00姑娘...請問我幾時可以照? 原來你未照GA?你現在急唔急?我去CHECK下!!! (@#$%^@#$%) 後來我先知道ULTRASOUND1300-1400係食飯時間,如果我唔出聲,豈不是要等(忍)到兩點!!!!!

1315姑娘話:你可以食D粥,今晚1800先比瀉藥你.......好!就要一個瘦肉粥+熱好立克

1600應該是交更時候,姑娘問我食左什麼? (瘦肉粥) 你唔可以食瘦肉粥GA,陣間瀉唔清條腸會好辛苦GA!!!弄頂多可以飲粥水(.............!@#$%^&!@#$%......頭先個姑娘不是話.....@#$%^&!@#$%,妖~~~我大可以完全唔食午餐GA!!!)

1730 姑娘端上一杯毒水要我飲晒佢,我一口氣乾左佢,冇傳聞中咁難飲,咸咸地.

1815 開始毒發,不停要去TOILET同飲水,兩個小時內居然飲左超過2L清水!!!!

2000 姑娘見我未死得再端上一杯毒水比我,呢鋪重唔變蒙古大汗!!!!!!!!! ^_^”

11月12日

0600 姑娘話要我死得更切底,送上毒油,去完TOILET要比姑娘驗過合格先可以過關

7:00姑娘話合格LA

7:15又有一個姑娘話要睇,妖~~剛才一個姑娘不是已經過關嗎?? 真係火都黎!!冇呀!冇貨LA!! (心想)

8:30 職員推左架手術入房....要行刑LA,好緊張,原來比人推的感覺好恐怖的

0845??我訓左車上在刑房前等入閘,姑娘幫我在左手上種左一粒豆,10分鐘我被推左入刑房,刑房內好多人,成8個人好敏捷地走來走去,好有TEAMSPIRIT呀,姑娘在我口中噴左D麻藥,咬住牙膠,另一位姑娘已經要在我的豆上注入矇仔藥,我FEEL到D藥在我的手臂向上流...........ZZZZZZZZzzzzzzzzzzz............下姑娘,做完LA......ZZZ...zzzzZZ.zzzz....真正醒來時已經返回自己張床.