上回講到何大夫要我擇定良晨吉日做手術...
一路的心情都怪怪地,又想起一個女人病的廣告,當中一句的對白係...
『我老公係我的初戀情人, 冇可能係我的!!』
自問日日3餐定時,平日喜歡食菜同水果,冇埋有會有呢個問題!
有幾個同事都叫我去check多幾個醫生先決定
腸鏡5日後
因此, 我就晌沒有大寄望的心情下, 上網搵左個專門做呢樣野的醫生去double check! 診所內有5-6個人, 全部都係呢個case, 有d係做完手術返來取藥同覆診.診所還有一個照腸鏡的房間,由閉路電視中睇到有兩個病人正訓在休息室內
入到去見到林永芳大夫時, 立即道明來意同奉上精美的腸照+report, 林大夫居然話"冇瘡喎!", 呢幅相人人都係咁駕啦!我再3追問,佢都好有心機同我講話冇事,最後還用font size 28的行書在佢自己的record上寫上"NORMAL"一字,你冇事, 唔洗食藥, 走得, 多謝600個大洋.
落左街之後好迷茫,解解條友會話我冇事??一個比零分我, 但another大夫比左100分我, 咁即係點? (0+100)/2 = 50??
我會偏向相信林大夫多d, 因為佢的說話啱聽d, favor to我多d, 正所謂忠言逆耳ma! 林大夫係專呢科, 日日都係睇呢個症, 經驗多好多~~
http://www.llclsc.com/contact.html
腸鏡6日後
今日要番何大夫診所覆診,我把我的問題list晒出來.....手術點做, 開幾深,幾耐康復........不過佢好似冇心機答我野, 手上還揸住人地個report睇緊....
咁如果唔做會點?? 何大夫曰:會變大同流血, 遲早要割!
咁現在可以唔做手術嗎?? 何大夫曰:我唔會答你ga, 以免日後有事時番來問我
腸鏡7日後
基本上對何大夫的信心大跌,但係唔可以意氣用事,同自己身體過唔去,一定要搞清楚! 剛好隔壁的同事介紹左一個醫生比我, 就去睇埋佢la.
吳維昌大夫的診所在sogo上面, 我轉左個大圈先搵到個入口, 我立刻推晒所有report比佢睇, 吳大夫睇完胃組織的幽門螺旋菌個tester後, 佢話我個胃冇事. (吓!!)再睇完d精美的腸照後話, 佢話冇事wor!!! 就算係都係好早期, 在呢個情況下唔值得做手術, 須知道如果日後(番發)要做第二次的手術的風險會大好多!!
我離開時我同大夫話:即係我有排都唔會發la? 曰: 係, 有排擺!!
總結:
由網上的info得知好多香港人都有幽門螺旋菌, 除非影響你的胃部, 如胃痛同胃潰瘍, 否則可以唔醫.
好鍾意吳大夫的advise: "在呢個情況下唔值得做手術," 一個好實在的advise, 吳大夫請放心, 就算我跟住有什麼問題, 我都唔會找你晦氣ga~~~~~~~
都考慮左一陣子應否把呎呢個旅程放在blog上,話晒都係一個叫人鑑介的病.
11月11日
早在數個月前已經發現如廁的習慣有所改變, 一直以為是一般腸胃問題,但係一直都冇改善,心知應該要搵大夫睇下,上星期四同大夫訴說了病程之後,佢話要去照下腸,佢寫左封信叫我找外科大夫跟進,星期五見公司的workload還可以便打開個doctor list,一般的專科大夫都要預約,所以!我是但打,找睇下邊個今日可以收容我,最後找到何惠德大夫,去之前check下佢係什麼人得知先,在internet上竟然search到好多馬會同馬經出來,何大夫竟然係一個馬主!! 即係話佢係好有米同年齡唔輕(年輕一代唔會買馬),換過來說(ASSUME)佢係一個有好多年經驗的大夫!!!
當然當我見到佢時証明左我的推斷冇錯.
大夫問診之後就問我幾時話入院,就星期二啦,好讓我可以星期一清理一下公司D野,出院後有一日BUFFER而星期六謥應該可以出席D細路的家長日同星期日的學校旅行! 醫生問我有否胃唔舒服,我話有少少LA,佢就話同我合照腸鏡,胃鏡受同ULTRASOUND,即係肚皮下的都比佢睇(CHECK)晒!!
星期一下晝食左個燒肉雞飯晚上就冇食野同飲水,第二日朝早9點鐘就要CHECKIN,我選擇左新翼的房間,因為環境好D,最緊要係有得上網!!!不過職員話只剩下一間冇窗的二人房.....我部電腦就係我隻窗啦!!我凡凡ROOMATE都係照腸的,真好彩!!!
10:00姑娘吩咐我唔可以去洗手間,因為要照ULTRASOUND.
12:00姑娘...請問我幾時可以照? 原來你未照GA?你現在急唔急?我去CHECK下!!! (@#$%^@#$%) 後來我先知道ULTRASOUND1300-1400係食飯時間,如果我唔出聲,豈不是要等(忍)到兩點!!!!!
1315姑娘話:你可以食D粥,今晚1800先比瀉藥你.......好!就要一個瘦肉粥+熱好立克
1600應該是交更時候,姑娘問我食左什麼? (瘦肉粥) 你唔可以食瘦肉粥GA,陣間瀉唔清條腸會好辛苦GA!!!弄頂多可以飲粥水(.............!@#$%^&!@#$%......頭先個姑娘不是話.....@#$%^&!@#$%,妖~~~我大可以完全唔食午餐GA!!!)
1730 姑娘端上一杯毒水要我飲晒佢,我一口氣乾左佢,冇傳聞中咁難飲,咸咸地.
1815 開始毒發,不停要去TOILET同飲水,兩個小時內居然飲左超過2L清水!!!!
2000 姑娘見我未死得再端上一杯毒水比我,呢鋪重唔變蒙古大汗!!!!!!!!! ^_^”
11月12日
0600 姑娘話要我死得更切底,送上毒油,去完TOILET要比姑娘驗過合格先可以過關
7:00姑娘話合格LA
7:15又有一個姑娘話要睇,妖~~剛才一個姑娘不是已經過關嗎?? 真係火都黎!!冇呀!冇貨LA!! (心想)
8:30 職員推左架手術入房....要行刑LA,好緊張,原來比人推的感覺好恐怖的
0845??我訓左車上在刑房前等入閘,姑娘幫我在左手上種左一粒豆,10分鐘我被推左入刑房,刑房內好多人,成8個人好敏捷地走來走去,好有TEAMSPIRIT呀,姑娘在我口中噴左D麻藥,咬住牙膠,另一位姑娘已經要在我的豆上注入矇仔藥,我FEEL到D藥在我的手臂向上流...........ZZZZZZZZzzzzzzzzzzz............下姑娘,做完LA......ZZZ...zzzzZZ.zzzz....真正醒來時已經返回自己張床.
1045醫生宣佈我有3粒大痔瘡,(咁要唔要割?) (覆診先傾la)
個肚充滿了氣,我知道係因為照腸時打入去的,好彩我個roomate係同我一樣,如果唔係好難體諒得到一個咁唔衛生的鄰居
其實成個好多時間都要在房內等第(hae),好慶幸有得上網,而其中以上check 公司e_mail的時間係最過得最快的!!
11月13日
10:00何大夫終於到左,佢古古怪怪地show左個胃組織比我睇,開比我之前話如果係紅色就代表有幽門螺旋菌,黃色即係冇野,開呀~~~~~
橙色!!!(即係點??!)
大夫曰:寧可信其有,要食藥!!下星期三檢時要定手術日子行痔刑.唉~~~~
anyway~~~~快d比開藥同比單我,我要離開!!!!!!!!
第一日
機場à 新宿
http://hk.myblog.yahoo.com/jw!tihcFU6FER_9MuzwrdEQmiIp/article?mid=955
第二日淺草雷門, 水上巴士, 台場, Kidzania
http://www.lalaport.net/pc/top
http://www.suijobus.co.jp/cruise/index.html
第三日東京狄士尼
http://www.suijobus.co.jp/cruise/index.html
第四日上野 Saniro Puroland
http://www.rurubu.com/season/spring/sakura/
http://www.puroland.co.jp/chinese/welcome.html
http://www.seibu-group.co.jp/rec/yuenchi/melhen/index.html
第五日箱根豐榮莊
http://www.odakyu.jp/chinese/rc/index.html
第六日箱根
http://www.tokyotower.co.jp/taiwan/
第七日機場à 香港
http://www.yokoso.metro.tokyo.jp/page/tenbou.htm
數數手指,已經有成6-7年冇出過門啦,帶住兩件活生生的行李去遠行的確好多野要考慮,行程,食,酒店位置,景點….全部都係以佢地為先!
8年冇去過日本,好多野都變晒,不過網上的資訊變得多左,交通,酒店同景點的網站都好齊全,加上yahoo!blog的出現,一篇篇的遊記,更成為好重要的參考資料
.呢間係2000年去日本渡蜜月時住過的溫泉酒店, 當年先由新宿去豬苗代,遊覽完五色沼後就坐jr入住,佢雖然平平地但係好有和風feel,呢個網站係上兩日無意中搵番出來,由於佢個logo係一隻可愛的小貓,我地叫佢做”貓貓館”.
呢間溫泉酒店在盤梯熱海,好近車站,兩分鐘就到,附近還有一個和式花園添!!臨走前還在酒店買左兩條印有酒店logo的手巾,現在還keep住呢!
估唔到阿仔都食左 三聚氰胺!!
卓卓由一歲已經開始飲雀巢金裝助長奶粉,今日蘋果話呢隻野比人驗出都有0.6ppm!人地上個星期先買左4鑵,今日下午lala聲走去藥房換其他牌子奶粉,唉~~~卓卓都食左兩年,唔知要唔要送佢比醫生check下~~~~~~~~~~
=======================================================
【 本 報 訊 】 正 當 食 物 及 衞 生 局 局 長 周 一 嶽 呼 籲 市 民 「 放 心 飲 蒙 牛 」 ， 本 報 委 託 的 化 驗 結 果 顯 示 ， 部 份 在 市 面 售 賣 的 蒙 牛 高 鈣 低 脂 奶 類 飲 品 ， 含 三 聚 氰 胺 3ppm ， 與 食 物 安 全 中 心 公 佈 的 「 零 含 量 」 結 果 迥 異 。 此 外 ， 在 本 港 奶 粉 及 奶 製 品 均 十 分 暢 銷 的 雀 巢 ， 一 直 聲 稱 不 含 三 聚 氰 胺 ， 但 產 自 黑 龍 江 的 雀 巢 金 裝 助 長 奶 粉 也 驗 出 含 0.6ppm 。 有 立 法 會 議 員 批 評 周 一 嶽 言 論 過 份 武 斷 ， 促 政 府 擴 大 抽 查 樣 本 數 量 及 範 圍 ， 保 障 市 民 健 康 。 記 者 ： 白 琳 、 袁 慧 妍 、 梁 瑞
當船駛到出公海之後就停左下來,四周冇光,不過遠處見到另一架郵輪,應該係雙魚星號..
難得有得住露台房,而個露台又停左向東面,當然要睇下日出la
不過可惜雲太多.......
好...起身又去食早餐,今餐去飲早茶
飲完早茶發現船都開始回航,我地取時間去游水,卓卓都要玩滑水梯
回程lu.....
上郵輪呢個topic基本上已經傾左成10年有多,今日終於實淺了,星期六出發,星期日返.
接近中午坐馬鐵時竟然落好大雨,重行雷添,好彩出到去到尖咀時已經停左雨, 一地都係水.
鐘樓外多左好多nemo,原來係花燈展,不過阿女問:點解有條nemo係綠色ga??
我地一家人1:45pm 已經到達碼頭,而辦理上船的counter要2:00先開,只好打番兩轉籃球先la,不過個波呢?
住露台房有好多jetso, 如一上船就有杯welcome drink, d香檳好正!
房唔大,張床好淋,今晚一定冇覺好訓. 最值錢都係個露台
在船上的旅程程雖然不足24小時,但已經包足4餐:下午茶,晚餐,宵夜同早餐,先整個自助下午茶先….
食飽晒去游水先,咁大個人都未試過對住中環游水, 好似好high!!!
大概5:30, 開船lu, 船上的煙囪都睆升起黑色的煙,而6:15我地就去左西餐廳食晚飯(都係免費的)
食完dinner又要去睇表演, 好忙好忙.係雜技表演,女歌手好聽,表演好緊湊,大隻佬好大隻,不過睇到一半, 卓卓就支持唔住,訓左!!
晚上頂層的甲板上冇人, 但居然發現頭上有數唔完的星星, 可惜影唔到
開學啦!
漫長的暑假終於完結了,
小榆今年係K3,是選擇小學的一年,九月中要交第一個ROUND的派位申請,而結果會在11月公佈,如果第一個ROUND派唔到,就要去第二ROUND的大抽獎,如果再滿意就要叩門,即係要派PROfile,同interview. 希望唔洗行到呢一步啦. 基本上今年係沙士年,少d小朋友搶,我估應該有60%機會可以在第一個ROUND完成.
今年都係小榆係靈糧的最後一年生活,靈糧是一積極求變同充滿愛心的學校,唔知佢會否唔捨呢? 第一日翻學佢入左課室之後發現個位比人坐左,跟住佢就在班房內漫游, 游左15分鐘,鍾於join埋”富寶三寶”一起玩.
卓卓今年在靈糧讀K1,希望佢可以ENJOY呢3年的生活.
之前佢過鍾意去返靈糧,唔鍾意返傑wor
第一日翻學佢中規中矩,坐定定扮晒斯文,睇下你過多兩日又如何!!
