小蜜蜂去宿營

阿囡由k2時已經開始了參加學校內的小蜜蜂, 小蜜蜂其實係for幼稚園的童軍隊伍

今日收左一張通告, 話會在5月舉辦一個一兩日一夜的畢業宿營
冇諗過原來幼稚園6歲人仔都可以自己去宿營ga??

我都阿囡好有信心,宿營對佢來說不是問題, 加上之前都同佢去過幾次, 對宿營應該唔會陌生
反而好佩服學校居然夠膽自行帶小朋友去, 唔洗家長一起去!! 責任好大ga!!

lala聲支持報名兼交錢!!

第7日 - 東京箱根親子四圍遊 - 羽田回程篇

4月4日下晝 陰天 (晚上有雨)

行左成日, 返到新宿d小朋友已經倦透了, 我將佢地安頓好在京王巴士站附近, 就去做埋最後幾件事......
首先去 藥房幫同事買野, 去lawson把用剩的碎銀買晒粟米湯, 然後返去酒店攞番d行李, 不過....去到酒店門才醒起個行李牌keep左晌太太度, 只好行番去巴士站....
攞完行李還要清埋兩張suica card內剩下的140yen.自己返左jr西口搵自助販賣機用suica card買左兩鑵粟米湯.

萬事ok, 就坐6:00pm的limobus去羽田, 由於limobus唔可以直達羽田international terminal, 所以要在terminal 2落車, 行落一層坐free shuttle去international terminal

當checkin過海關時, 發生了咁兩件極嚴重的意外......

- 寄倉忘記了把太太背包上的四鑵粟米湯放入行李, 後果, 要在關員面前飲晒佢, 後面還有好多香港人呀, 瘀死!! 呀仔~飲快d啦如果唔係唔比你上機, 今次係呀仔飲野的最快紀錄.

-過金屬機時部樹又晌, 一定係我仔腰帶la, 次次都係佢~~, 關員要我除左條belt, 然後再用部手提金屬機do我, 今次部機在我的恤衫袋勁晌!!! 死la...一把剪刀!!!
關員立即call左個警察過來, 嘰嘰喳喳一輪, 沒收剪刀...才比我過.



international terminal好細, 未過關外的區域比旺角間麥當當還要細, 入左關之後只有幾間鋪, 間藥房好搶錢, 我在出面買左盒膏藥只是800yen, 入到去要1600yen

返到香港, d鋪已經收晒, 我地推住d行李去坐新界的士返馬鞍山.
係貴左d, 不過你晌人地方花左咁多錢, 留番少少比香港人賺都好應該化.

第7日 - 東京箱根親子四圍遊 - 新宿御園.原宿

4月4日 晴

在日本最後的朝早都係冇落街行晨運 因為今朝要pack喼準備checkout, 所以各位團友都係要空肚出門la.

我地把行李放到前台貯起, 職員比左個牌仔我用來來認領番d行李, 用牌仔由太太keep.

第一站我地去左新宿西口內的食街買早餐, 然後就出發去新宿御園!!! 今次我地坐丸之內線去新宿御園前駅, 一出就到左御園. 御園係要比錢入場的, 而門口就set左好多排隊線比人入場, 但係都冇人排隊wor!!

入左去已經見到根櫻花盛開, 我地搵在一棵櫻花機下攤開地席, 開餐 + 賞櫻

今年的櫻真係好奇怪, 早在三月初時天文台已予測會早開了一個星期, 滿開日係3月24日, 而後期櫻花都在3月22號開始開花, 點知去到日本的第一晚, 在網上check到好多地方都只開20~50%的花, 到今日到左 御園都只係開左70%, 不過都已經好滿足la.

時間越來越晏, 就越來越多日本人湧入, 地上的藍色膠席都越來越多 , d日本人帶好多野入場, 一箱二箱好似搬屋咁.

當我地離開時, 發現原來出面已經大排長龍, 離開左新宿御園, 我地向新宿三丁目方向走, 行下行下有間眼鏡店set左幾副洗眼鏡機在街上,當然要用下la,  最後在伊勢丹門外坐巴士落原宿,

在巴士上有個日本女士對小榆手上一盒晌御園地上拾的櫻花好感興趣, 還聞下是什麼味道, 佢一定聞到燒鳥飯團的味, 因為個盒之前係買早餐時, 用來裝飯團的!!!

200yen的車程好快就到, 一落車就係gap icon shop, 又係shopping時間!!

gap完之後就去天丼てんや食午餐, 剛好佢地20周年, 一碗有3只蝦的飯只賣580yen!!好底呀!!

食完午餐就去左headporter, 由於之前做功夫, 一入harajuku就見到佢, 佢個紅磚牆身好易認,不過之前唔知的話行過左都唔知.

行下行下又入左竹下通, 條街勁多人, 去到中途例必幫趁一下cream pancake, 可能佢地好好生意, 附近竟然開左3-4間同類形的鋪頭!! 由於佢太多款, 只好用相機影低想食的款式來落order.

鋪後面有條街, 開頭只諗住入去搵個地方食pancake, 但係入面居然有間寺, 又有盛開的櫻花睇.

行埋tamagochi店就坐jr山手線返新宿, 點解咁多人ga.不過難唔到我地香港人ge (拖住細路的除外)

上兩次去日本時因為有jr pass, 所以成日坐山手線, 今次去到行程的最近一日的最後一程火車才搭到.

 

 

第六日 - 東京箱根親子四圍遊 - 東京狄士尼樂園

4月3日 晴

東京狄士尼樂園
先要提一提日本人有一個狄士尼樂園攻略網, 網內最重要的係每日入場人數的予測, 每一日人數多少的原因都有列出, 好鬼認真. 正因為呢個網站, 我把原本3/30日星期一的狄狄尼行程臨時搬左去4/3星期五.

今朝起身已經唔早, 冇落街遊冇買早餐, 只準備好所需物品, 預備去狄狄尼!
我地行去新南口的快速巴士站坐巴士入去, 上左車先食早餐!!

入到園已經10:00, 而第一個任務係攞Winnie the Pooh的 FastPass, 我地唔敢怠慢，因為攻略網話呢個FASTPASS會於11:00派完, 事實上之後我地後來番轉頭, d fastpass機已經比人收晒.
攞左Fp, 我地就開始玩排隊

- 世界真細小小小
- 木偶奇遇記.......排成個鍾,玩得3min都唔知有冇, 重要唔好玩!!!!
- 食漢堡午餐...玫略話1100好食定先, 唔係會好多人, 是真的, 食完走的時候已經多左好多人排隊
- 爆谷...之前留意左好耐, 最靓的爆谷桶應該係winnie the pooh, 雖然貴, 但可以食足成日, 唔怕排排下叫肚餓
-  賽車場...唔錯, 幾有趣..途中會經過櫻花樹

- 坐定定睇談巡遊, 有了上次的經驗, 我地學足日本人帶埋張地蓆坐低慢慢睇

- 3D影院..... 巡遊即刻衝入去, 好快有得睇, 好正好真, 哈哈
- 火車...真係一架蒸氣火車, 因為見到佢加水, 沿途沒有驚喜, 最後入左恐龍世界, 真係劃蛇添足, 想嚇親D細路下!!!
米奇音樂會.....有D悶, 只有機械木偶唱下歌, 有DD悶
白雪公主.....如狄士尼樂園攻略網所指一真係有D恐怖, 唔多合小朋友玩, 最大問題係, 佢同木偶奇遇記係同一產品, 一樣咁玩, 一樣咁快玩完, 一樣咁唔好玩!!!!! 浪費了成個鍾去排隊!!!

因為怕多人, 所以未天黑, 又要停一停食晚餐, 食咖哩
食咖哩的原因因為佢真係好香
同一樣走的時候發現門口已關上, 要限人數入埸, 原來除了玩遊戲之外, 食咖哩都要排長龍!!!
食飽左就去睇晚上巡遊

最近一站係米奇屋, 排成個幾鍾只為同米奇影幅相...哈!
其實當時小榆已經好倦, 而卓卓已經訓左

離園時已經過左10:00, 大家都拖住疲累的腳步返酒店 (除了卓卓, 因為佢有BB車)
一日玩左8個GAME算係咁啦, 我諗玩多兩日都未玩完, 如果唔係撞正學生假期應該會好好多

PS
還有新開的怪獸公司, 唔知有什麼玩呢?連狄狄尼的WEBSITE都未有介紹

第五日 - 東京箱根親子四圍遊 - 新宿gap + 鰻魚飯

4月2日晚 凍+有風

我地坐番浪漫號番新宿, 不過今次唔係vse, 而係比較舊款的1000HiSE.
在車上用左好耐時間去硏究點上把車上的坐位倒轉, 知道點轉時又比張摺枱頂住,, 霎時間又唔知點收番張摺枱, 最後附近的日本出手相助, 我諗佢地已經留意左我地好耐,終於忍唔住出手相助.

返到新宿, 我地先去東南口的gap shopping, 其實當中花左好多時間由西口搵路+行去東南口. 今晚在gap主要買左一些兩個細路的衣服, 跟住就去歌舞妓町食鰻魚飯, 當然又係杜小姐介紹那一間,都幾好味架.
途中還在百果園買左士多啤梨+提子 同在若狹家外賣左個魚生飯返酒店食

返到酒店重新checkin, 職員比左四樓的房間給我地, 入到除了細左d之外, 最重要冇左張按摩椅!!!!! 原來唔係每一間房都有!! d細路好失望, 小榆差d要哭了出來. 我最後都落番大堂問佢可唔可以住番room109, 佢話109冇人, 可以!!!!!! 職員問我 That Room...Any problem?? 我答: No Massage Chair!!

返到房間大家一起把打開了的行李箱收起, 興奮地湧番上去room109.

第五日 - 東京箱根親子四圍遊 - 箱根山遊

4月2日晴

箱根山遊係一個容易handle的旅程, 坐唔同的交通工具一站駁一站,
完全唔洗搵同睇時間, 有車就上, 見路就行

首先係登山列車, 呢架車有趣的是會以z形, 前前後後咁行, 跟住就係纜車,
由於太多人,
我地等下一班車少d人先上, 買下野飲, 吸下印仔, 十下十下.

最後坐吊車上到去大涌谷, 都唔知邊一個諗出來, 在海拔1044m的高山上放低幾部兒童遊戲機在吊車站內, 小不費要放低d.

真係好好彩, 今日天色好清, 一出車站就見到富士山, 上次來的時候什麼都睇唔到.
昨晚雷電交加, 原來山上下冰雹, 地上留低了一堆堆的冰粒. 我地在山上一家吃了一個豬扖蛋飯, 同極樂拉麵, 不久就坐吊車落山.

去到蘆之湖當然係坐海賊船, 船上有個寶箱, 其實而裡面係裝滿了救生衣的

我地去到箱根町就坐巴士落番湯本, 我專登等1号巴士, 因為佢係行箱根新道, 好快就可以番到湯本, 不過等左半個鐘上車時才知原來呢架車係由元箱根開出, 到我地上車時已經冇位, 只好企. 雖然係行新道, 落山的路始終係彎彎曲曲, 個車長又好似籐原拓海咁左西右西, 細佬要訓要抱, 但係冇一個日本人想讓個位, 最後有一個香港叔叔讓個位比我地, 估唔到有起事來, 只有香港人救香港人.

真係再一次多謝呢位香港叔叔!!!

第四日 - 東京箱根親子四圍遊 - 雉子亭.豐榮莊 - 箱根溫泉旅館

 雉子亭.豐榮莊 - 箱根溫泉旅館

4月1 日
天陰有雨

 一落車行過對面馬路就係旅館, 當時已經下着毛毛細雨, 旅館內的員工由旅館衝了出來,
手執油紙遮, 幫太太拿起行李,
護送我地入旅館. 入到旅館大堂先要除鞋換拖鞋, 佢地把鞋收到大門旁的房間內,
即係話你唔比錢埋單,係唔會俾番隻鞋你走!!!大堂的員工先招呼凡我地在lobby坐低同介紹我地遠眺佢地個櫻花花園,充過一陣就帶我地入房.

房間比我地想像中大好多, 搞到我地有d懷疑係唔係比錯房我地!!

 

佢地送上熱茶同一些餅食, 就問我地今晚的食晚時間, 我地選左最夜的一節:6:30pm.
下一個活動當然係浸溫泉!! 因為怕涷,我只帶卓卓去了大浴場沖涼同浸腳,
我就當然有落水浸la, 浸完一陣就上番房. 上到房間太太同小榆還未返來,
但係員工已經放好了部份晚餐同兒童餐la, 卓卓坐下坐下開始想訓, 我就lala聲比左d野比佢食, 食下食下, 佢個眼皮開始跌下來, 最後訓埋!!! 太太同小榆呢個時候都返來了,
原來佢地去埋野天風呂, 佢地不停話好正, 又話可以睇到櫻花.....

 開飯la!!員工一一講解每一小碟是什麼同應該點食,
每一道菜都好似一幅圖畫咁.....

除左招牌菜雉雞刺生外,還有沙拉, 海參, 湯, 燒牛肉,,,,,,,,,,,,

 

到7:30pm, 卓卓起身了, 又再食過!!! 食完之後小朋友在房內走來走去, 開門關門,
出出入入.....

過一阡陣有人來鋪床, 佢地還比左個牌比我地, 上面日文好似話...去溫泉,請收好床鋪' 唔通要我地明早浸溫泉前要收拾好床鋪???搞完一輪,
原來佢想我地第二朝起身出去浸溫泉之前,把個牌掛出去門口, 等佢地可以幫我地清埋床鋪和預備早餐.

被鋪整好後d小朋友自動入"座",
捐入被中睇電視, 剛好電視唔知做緊什麼周年紀念節目, 播番d以前的笑笑劇場節目, 又播番d明星的舊片, 如30年前的西城秀樹同松田聖子   ,下次去日本應該帶埋部錄影機!!!

未到9:00pm, 小朋友已經訓晒

不過半夜出面行雷閃電, 可能d小朋友太累or剃浸過溫泉太舒服了, 冇被嘈醒!!

 

4月2 日 晴

第二朝起身, 下面個草地變成了白色,
原來係結了霜

 

太太同小榆把握時間去多一次野天溫泉, 過多一陣等卓卓起埋身, 我地都有去浸!!

外面的溫泉水比室內的冇咁熱, 卓卓都可以浸到!

 

 

 

回到房間就到早飯時候, 又係豐富的一餐, 白飯任裝!!

 

 

 

收拾好行李就要退房lu, 我地走番出去大堂埋單, 雖然一早

知道要比幾多錢, 但是張receipt都係咁嚇人的, 快d袋起佢先

酒店的員工送我地出去巴士站同倍我地等巴士, 車開了還在躬恭.

 

 

我地坐巴士返去箱根湯本, 開始箱根山遊之旅

第四日 - 東京箱根親子四圍遊 - 箱根湯本.早雲寺

 

4月1 日
天陰有雨

 

今日要上箱根, 一朝早我又落左街逛,
主要集中在西口車站內, 單單一個西口已經令我有迷路的感覺, 之後買早餐及順便買定箱根的車票+passport.

令外無意之中搵到一個coin lock庫, 裡面還有可以放得落大喼的locker, 不過真係好難搵, 何妨當你拖住個喼的時候

原來小田急的外國人案內好易搵, 由路邊的吸煙區行入去就係, 返到酒店還要pack行李check out. 行李當然keep晌酒店la

我地施施然行去車站, 見有成個鍾先上車, 就去左B2/F的food plaza行下.嘩! 好多野賣, 好多野食, 真係想成個Plaza搬番hk.

11:10am夠鐘啦, 架浪漫號vse慢慢地駛入月台,

雖然我地兩個月前已經e-mail去book,
但是都唔可以book到展望席的第一行, 只有第二行!!究竟要預早幾多book架??!!

日本人一開車就開餐, 大大小小的便當, 好正!!! 好彩我地頭先在food plaza都買左d燒雞串同布甸上車!!

沿途風景優美, 有火車有櫻花同一叢叢的小花

個多鐘頭好快就過左個多小時去到箱根湯本, 成個站已經番新左及擴建了, 我地過先過馬路放下行李在coin
locker就開始行溫泉街, 溫泉街好好行, 有瓦遮頭兼每間鋪外面都有長櫈坐,有地方比小朋友落腳,

行左一陣就入左一間和式soba店食午餐, 我估呢間鋪應該係出名的, 因為有好多日本顧客係同我地同一班車到湯本的, 我地order左一碗蕎麥麵 + 親子飯(即係雞+雞蛋飯 , 好殘忍的名!!) + 一碟天富羅, 碟天富羅又睇得又食得, 好味! D蝦好新鮮呀!!!

 行多一陣就坐幾個站登山巴士(唔洗錢,因為有箱根passport)去左早雲寺, 呢間寺已經有成200年歷史, 好古靜!!

當然去早雲寺的其中一個目的係睇櫻花la.

 當行出去馬路準備坐巴士去酒店時, 發現有架巴士晌我地面前走過, 再發現原來架巴士要成30min一班, 冇法子啦, 開始下毛毛雨la, 只好坐晌站前另一間寺的樓梯上等.

 

最後上到巴士(又係唔洗錢)坐幾個站,八分鐘就到左溫泉旅館 – 豐榮莊

第三日 - 東京箱根親子四圍遊 - Kidzania

Kidzania@Lalaport

睇完個地圖好失望,原來由雷門去lalaport要先到淺草站坐兩個站去藏前, 又要上番地面行5分鐘去大江戶線!!!藏前駅, 我會永遠記得你!!!

去到豐州根本唔洗花心機搵出口,
路上已經有好多小朋友, 跟住佢地已經可以去到lalaport, 再右轉行去北翼上樓就搵到kidzania!!

 

去之前已經收到風d日本人會好早去排隊, 但是2:00PM去到見唔到有人龍, 唔通真係咁jetso?? 當然唔係la, 我地去左checkin
counter, 比番封confirmation letter個工作人員(ANA制服), 佢就比左D機票比我 + 排隊籌, 根據籌的編號, 原來我已經去到差不多龍尾~~

早知我一朝早10:00am就到la, 反正lalaport呢個shopping mall 好大好多野行!!

 

入左場都知道好遲, 去左消防局”見工”, 居然要等2hr!!! 只有去pizza-la睇下, 都要1.5hr, 算la唔排冇得玩, 鬼叫撞啱日本學生的春休咩, 蹴到櫻花蹴唔到日本假期!!!
1.5hr好快過左, 小朋友開始穿上制服返工la.
其實有家姐晌細佬身邊睇住佢, 都可以好放心.

Pizza焗好了,有錢賺又有得食!! 抵!!

 

下一份工係到育嬰室照顧bb, 家姐同細佬排到還有5min時, 細佬唔肯玩要食pizza, 所以只有家姐入場!!
姑娘教小朋友如何專業地抱起個bb,除衫,沖涼,着衫.而細佬就在外面食自己整的pizza.

 

細佬食完已經冇心機再玩, 去左比錢坐觀光巴士, 而小榆自已就選擇了去做時裝設計!

打完工之後已經時間無多, 唔可以再排隊打工, 只好去銀行開戶口同入票, 每個小朋友入場時都有50kid旅行支票送,
不過唔知點解細佬又唔肯去排隊. 所以只有家姐一個去開戶口, 開完戶口銀行會有個銀包同提款卡送比你,所以家姐跟住就去提款機draw錢去百貨公司買野,

 

呢個時候細佬見到家姐有得用提款機draw錢, 竟然又話要去開戶口,還肯自己一個去排去辦手續!! 錢的魔力真係大!!

 

到真係走的時候已經9:30pm, 我地坐一個站地鐵去大江戶線轉車返新宿,由於已經筋疲力盡,
我地先把d細路送返酒店,
然後自己落街買松屋外賣返酒店開餐.