3月31 日
都係晴
一朝早7:00醒左,
自己一個落左街行, 影下相.回程時順便去地下街的便利店買左d早餐返酒店.食飽飽先起行
上次向右走, 今次向左走,
我地行左去大江戶線的都廳前站,到藏前站轉淺草線去淺草, 不過去到藏前先發現原來要上番地面,
行5分鐘先可以去到淺草線轉車,
中左招!
一朝早的淺草好多人, 有日本師奶團, 有西方的遊客, 還有好多香港人!!!
淺草的人形燒出名好食, 原本諗住買番香港請人食, 無奈, 店員話賞味期只有3天, 算啦, 買幾粒自己食啦!! 好好味!!!
原本plan左在淺草食菠蘿包,
不過轉左幾個圈都搵唔到, 反而比我搵到食天富羅的大黑家,
但係門已經排左成3~40人, 大部分係上左年紀的日本人,
似乎真係好有地位呀.
附近又搵到一個好多掌印的地方, 不過唔知係什麼東東
放棄左菠蘿包,去左附近的面包店買包食,
間面包店原來可以坐低食, 又幾好wor!!
跟住去左隅田公園碰一碰運氣, 雖然之前一晚已經知道唔會有櫻花開, 但點都估唔到連一朶花都冇!!!!!
可以疊埋心水去lalaport lu.
下一站Kidzania@Lalaport
沒有留言:
張貼留言