天氣報告話今日有雨, 不過我並不在意, 反正今日成家人將會向日本出發,我關心的只是日本的天氣!!
早上6:00起身,細路都好合作,乖乖地去刷牙換衫,然後最後check清楚checklist上的物品已經pack好晒之後, 就登上預約好的的士去機場.
過關一切順利,只是條皮帶扣又搞到個金屬探測機bb地叫, 跟住當然係指定動作 - 食早餐啦, 去左間叫popeyes的快餐店, 不過....好難食, 早知食大家樂算!!
捱完個早餐後啦啦聲去32號泊位等上機, 我唔要做機場阿嬸ga.
機上每一件東西對於小朋友都係十分有的, 特別係個私人電視, 裡面有過百套的電影/節目 + 電子遊戲比你玩!!
跟住就係飛機餐啦, 基本上小朋友餐係比大人餐吸引好多,唔知大人可唔可以order 小朋友餐呢? 以往坐飛機食完飯我通常會睇下戲訓下覺, 但係今次要倍太子+小姐打機,點解佢地咁早起身唔眼訓呢?
快要著陸la, 小榆隻耳仔好痛, 只好用盡不同方法教佢平衡氣壓.....降落時的震盪+剎制的氣流聲又把卓卓嚇到"吽"左!!
落機時空姐要我地輪到最後,因為要等所有人走晒先在機倉門口派番架bb車比我, 落左機之後總算輕易地過關, 入境處見我地有bb車晌手都比我地打尖, 唔洗排長隊,跟住輕易地攞埋d行李就衝出大堂
第一個任務係去ana既sky porter 攞番個電話, 坐ana有一個好處, 就係有免費手提電話借, 唔通話係唔洗比錢ga, 不過幅地圖完全match唔到機場的環境, 明明個大堂係四方形,佢又畫到成個梯形咁,好彩最後轉右行到盡毫見到個counter, 由於個counter另一個function係行李宅急便,所以都ok易搵
下一站係買nex+suica card. 去到green car辦事處輕易買左兩set nex+suica card及一張小童nex票比小榆. 不過原來一張小童nex的價錢係1650yen,即係比一set nex+suica 中的nex票還要貴, 蝕左百多yen!!!!
NEX座位寛闊又舒服, 好快全部人都訓晒, 醒左之後好快就到東京站, 跟住就係新宿.
途中比卓卓見到架新幹線走過, 興奮死佢!!
一落車, 寒風入骨, 邊條友仔話東京唔凍GA!!!!
根據以往經常, 新宿係一個大站, 唔可以亂行, 我地跟住"中央西口"的牌才敢離開月台, 出閘時都要好小心, 因為有D閘口只是轉去小田急線,而唔係真正的出口. 終於行到去小田急百貨, 見到地下廣場, 不過都係行番地面好D, 地下街好易盪失路!! 不過我相信過多一兩日我已經可完全了解地下街的路線.
沒有留言:
張貼留言