春天的馬鞍山公園 II

終於似番春天啦

復活節 - 6.0

三月廿六日係大日子

係小榆的5歲生日

我地選擇下午走上去合和中心的R66 CAFE食自助餐

上一次去R66的時候已經係兩年半前,小榆只得兩歲半

呢處的自助餐叫做馬馬fufu la,話晒都唔係貴,不過個view就好正

 

 

復活節 - 5.2

睇完表演去醫肚...

炸餃子面,雞翼面,炸魷魚,兩杯珍珠奶茶,多謝$120!

去得昴坪的指定動作當然係上大佛啦,泊好架私家車,就行上去!好彩兩個小朋友都自己行上去,行下坐下,完全唔覺辛苦.

 

睇完大佛就去寶蓮寺行下食下午茶,點心普普通通啦, 豆花就幾好味道!

.

寶蓮寺位于大嶼山的昂平高原，是本港著名的古刹，是環境清幽古雅的佛教勝地。自一九九三年，全世界最大的室外青銅坐佛開放後，遊人更是絡繹不絕，寶蓮寺搖身一變爲國際知名的旅遊勝地。
　　寶蓮寺曆史久遠，最早稱爲“大茅蓬”，始建于清代光緒三十二年，即公元一九零六年。當時，大悅、頓修、悅明三位禅師從江蘇鎮江金山寺南來香港，他們見昂平此處環境清幽，是修禅敬佛的好地方，便決意開發此地，先修築小石室，又搭建大茅蓬，建立道場。自此以後，各方僧衆聞風而至，在此耕種修禅，過簡樸的清修生活，草創了禅寺的規模，此地也成爲了香港佛門淨土。
　　至一九二四年，德高望重的紀修和尚亦從金山寺來到香港，應三位禅師之邀請，出任大茅蓬第一代住持，改寺名爲寶蓮禅寺，并沿用至今。一九三零年，紀修和尚傳戒完滿後自行退院，由諸位長老公請筏可法師出任寶蓮寺第二任住持。當時，紀修老和尚以二十二元四角港币移交予筏可，但是時常住僧衆共數十人，可謂僧多粥少，艱苦經營。環境縱然惡劣，大師仍盡心竭力發展禅寺，既增建了殿堂和山門牌坊，又由南洋請玉佛一尊供奉，且親題寶蓮寺匾額。要言之，寶蓮寺初期規模不大，後來香火日盛，信衆漸多，方增修加建，發展爲今天的宏偉古刹。
　　

 

 

 

復活節 - 5.1

今日的節目係.....衫碌令!!

我地專登選左假期後第一日上坐360昂坪,希望少d人la, 大約中午12點去到車站,上面都有成3-400人在排隊買飛,好彩之前一日已經在中旅買晒飛,我地一行4 人就可以行特別通道,專人開路,唔洗排隊,直入車站!!

好彩唔沈排隊!! 雖然已經買左飛,但係都要去counter換番張正式的車票ga!

可惜天氣唔多好,一層薄霧迷迷糊糊咁

上到山原來剛剛好有少林武術表演,lala聲搵個位先

 

 

 

復活節 - 4.0

今日約左喬喬一家人去沙田行街,跟住去左龍華酒店食飯.

原來都好多人ga,好彩有定位.

下次如果天氣許可,可以試下露天位!

 

我地一行四大三小,order左一個4人餐($498),埋單好似$600.

上一次到過龍華已經係10~20年前,印象好蕪糊,但係上酒店條落還是沒有變過

 

杯碟同服務依然保持在幾十年前的標準,所以一定要洗杯!!!

主菜,不過沒有驚喜

呢個生菜包反而有驚喜!d生菜夠新鮮又清甜,同d肉碎同甜醬一起產生左微妙的化合作用.

 

小窩雞粥

估唔到原來佢地有網址: http://www.lungwahhotel.com.hk/

復活節 - 3.0

26号係小榆生日

而生日會就在今日在婆婆屋企舉行!!

蛋糕當然又係晌"貴族蛋糕"買,而d蠟燭就在megabox買!

復活節 - 2.0

今日原本的計劃係同太太的同事去西貢燒野食,叫麥邊wor.....

一朝起身天色都好黑下,到下晝時已經毛毛細雨,不過糧草部已經入好晒貨,冇法la,不如改去馬鞍山的後花園 -- 烏溪沙,至少可以有得遮下.

我地係先遣部隊,去到昤發現原來已經冇晒位,只有沙灘遮位!!!

沙灘遮位毛毛細雨還可以,但係突然間....傾盆大雨!!!糧草部隊呢個時候已經到左大樹下,佢地有一半人冇遮,全身都係水!!

似乎都係燒唔成,只好退回我地屋企,就係咁一行18人,拖住一條水路,塞晒入我屋企,而廚房兩個爐頭就全力開動,把不同的肉類煎好!!而風筒,抽濕機同乾衣機都成晚開動抽水.