終於到我病啦~~

現在是流感高鋒期,小學同幼稚園都要在13日起停課兩星期

我地一屋四口子中,除左我之外,其他人都病緊同食緊藥,我以為可以渡過,但係星期二同品質大隊長上完大陸,佢回程又咳又發燒......

到左星期四上午我都開始咳啦.晚上重開始發燒

,為左防止傳染比其他人,啦啦聲落街睇下重有冇醫生睇

太夜啦.鄧醫生已經唔再接生意,,咁是但林醫生啦,得佢開緊門又收緊症

林醫生原來係一個印度人!!

皮膚黑黑的,唔洗諗阿女一定唔肯比佢睇,怪不得呢間診所平日沒有小朋友....

林醫生好似唔多耐煩,係咁易聽下背睇下個喉嚨就問我打唔打針,佢冇話點解要打同打什麼針,我冇答佢,之後又問左一次.....唉打就打la... 佢又好求其咁pak開枝藥,好求其咁用針筒抽起d藥,好求其咁jik番d空氣出來,好求其咁打落我度,好求其咁把針筒向後拋掉!!

冇錯,真的往後拋!!!!針筒DING一聲落在洗手盆中,原來裡面已經有廿幾三十支用過的針筒堆在一起....唉...唔洗指我會再幫趁你 (即使我平日一年都未必會睇一次醫生)

星期五.......十下十下過左一日,完全昏睡

星期六.......以為已經好番,黃昏時又再發燒,

星期日精神番D,不過還有D咳,都係繼續做檬面超人先la

平日一般感冒, 我都可以一日好番,呢隻野居然搞足我3,4 日!!